前日睇外電發現一則趣聞，話說一個賊單拖去馬德里某間銀行打劫，當佢一衝去其中一個櫃枱，搵支槍指住一個職員時，眼尾一睄，驚覺銀行職員數目遠比佢想像多，即時失方寸，係咁易攞咗面前嘅錢即急急腳鬆人。經銀行點算，損失係10歐元，冇聽錯，圍起港紙係百一蚊左右！如果佢住得遠要搭車，真係車錢都蝕埋。
呢個可能係史上最騰雞嘅笨賊，明顯衰準備唔夠。可惜佢唔係身在香港，否則翻煲深宵劇《原來愛上賊》，學吓劉松仁犯案前點準備，做案時肯定唔使騰。做嘢唔準備嘅人，成功都係符碌；畀你符碌一世都只係賭徒、亡命之徒，唔會得到人認同。睇狼隊頭兩場波，我就覺得準備唔夠，捧曼城。
藍鑽石
近5場往績：WW///
讓球主客和：曼城勝[-1]
心得：狼隊唔符碌得幾次