小弟冇乜抽獎運，抽新股呢連啲難度唔細嘅玩意，當然多數志在參與，睇住啲friends抽到，成日話執千零二千蚊，恨到口水都流埋；哈哈，噚日終於抽中隻1手中籤率得幾巴仙嘅新股，呢鋪諗住夠錢請屋企人食餐好啲啩，可惜一覺夢醒……，呢隻裝修股上晝已跌穿招股價，我當然冇沽到，不過抽新股都坐艇，真係服晒自己。
貼波我從來唔講運，估錯只怪自己眼光差，今次又喺英冠同日聯中間選擇；上次選川崎前鋒有愉快經驗，今次西布朗同清水心跳二選一，我都係捧近期正氣嘅清水心跳，周中作客都贏，爭標未絕望，其實距次席前鋒只有3分，今次返主場迎山葉，單W贏到夠補償我心靈創痛。
蘋果波神
近5場往績：WL///
主客和：清水心跳勝
心得：日聯爭標呈暗湧，捧近期最穩嘅心跳