香港成日俾人話天空灰濛濛，真係要諗諗計，搞多啲綠化以減低污染。
滙豐銀行舊年4月推出全港第一張環保信用卡Green信用卡，客戶簽賬之餘，獅子行捐出相當於簽賬額0.1%，作為「綠化學校屋頂」計劃嘅經費。截至今個月頭，本港已經有6間學校完成綠化屋頂工程，剩番4間嘅工程，就會喺下個月底完工。
咁究竟咩係綠化屋頂工程呢？就以聖公會基福小學為例，喺學校天台種啲綠油油嘅植物，除咗可以減低屋頂吸熱量、降低室溫，從而慳冷氣費之外，而且小學生更可學習環保知識，一舉多得。除此之外，連張信用卡嘅物料都非常環保，並無含有其他信用卡嘅氯同埋其他有毒化學物質。