大劉劉鑾雄雖然周旋兩位女友呂麗君及甘比之間，但他分身有術，公平地分配時間與兩家人樂敍天倫，享盡齊人福。
父親表現緊張
大劉噚晚約7點獨自急急腳到達佢御用飯堂灣仔福臨門，原來係會合女友甘比同10個月大B女劉秀樺同埋甘比母親，四人用膳一個鐘，便離開福臨門，記者欲上前拍攝大劉、甘比及母親同小秀樺嘅三代同堂「世紀合照」，身穿條子圖案上衣、短褲，手持全球10個限量版紅條圖案愛馬仕Birkin手袋嘅甘比與大劉即表現緊張，作為好爸爸嘅大劉更叮囑抱着小秀樺嘅外母以手遮住小孫女嘅面容，不過身穿格子圖案裙嘅小秀樺則表現精靈，不怕面對鏡頭，之後四人登上「CC1」車牌嘅Maybach超豪房車離開。
甘比母憑女貴
其實大劉對女友寵愛有加，自甘比去年10月誕下小秀樺後，即「升呢」獲贈1.8億歌賦山獨立屋，可謂母憑女貴，之後更於五月以破蘇富比拍賣紀錄嘅7,400萬投下7.03卡藍鑽給小秀樺，並名為「StarofJosephine」，可見大劉錫秀樺錫到燶。