黃宗澤、林峯和徐子珊早前聲演本月27日上映的動畫電影《喜羊羊與灰太狼之牛氣沖天》，初次為卡通片配音的黃宗澤聲演歹角灰太狼，但他非常接受。
黃宗澤說：「喺漫畫世界冇分忠定奸，灰太狼都有佢可愛嘅地方吖，好似佢好怕同好錫老婆，老婆想食羊肉，灰太狼就好用心咁去捉班羊仔，雖然佢從來未成功過。」
黃宗澤笑言自己會如灰太狼一樣做老婆奴，他說：「我諗我第時都會係咁，因為無論麥玲玲同蘇民峰師傅都批我將來怕老婆。其實怕都係件好事，首先會發達，而且代表你錫佢啫。」
了解杏兒芳蹤
問黃宗澤會否邀緋聞女友胡杏兒看《喜》片？他說：「佢近排應該唔喺香港，會先請姨甥同表弟去睇先囉，話晒小朋友電影。」
採訪、攝影：何永寧