謝天華、吳鎮宇和黃秋生合演的新戲《LaughingGor之變節》票房報捷，一眾演員前晚出席慶功宴，惟獨早前在首映投訴無位坐拂袖而去的秋生卻未有出現，鎮宇見狀笑稱自己當晚要做先頭部隊，確定有位坐才會叫秋生現身。
邵氏重出江湖的新片《LaughingGor之變節》截至前日下午，票房有720萬元，成績相當理想，無綫高層樂易玲前晚帶領一眾演員包括謝天華、吳鎮宇、陳法拉及葉翠翠等到觀塘出席慶功宴，眾人都希望票房可以衝破1,000萬元。
「有位先叫佢嚟」
早前在首映上發老脾指無位坐的黃秋生則未有出現，問鎮宇為何秋生未有到場？他抵死地說：「係呀，我到場先，睇吓有冇位，有位先叫佢嚟，執好個位畀佢。」問到秋生是否仍未消氣？鎮宇笑說：「唔知呀，我都唔知佢有冇發洩，可能搵人打。」樂易玲表示秋生並非未消氣而缺席，只因他在北京工作，她強調秋生得知新戲報捷很開心，樂易玲又透露和秋生經常通電話，他飛往北京前兩人還一同食飯。
至於會否開續集，樂易玲表示仍未決定，因為邵氏稍後要開拍曾志偉的《72家房客》，還有分別與黃栢高及英皇合作開新戲，故此仍未有定案。若開續集會否再預秋生？樂易玲說：「未知，佢個期咁密。佢係性格演員，有性格。」
問到鎮宇假如開續集找他演出，會否加片酬？他說：「唔敢當，我係TVB出身收利是仔，唔似秋生咁亞視出身，唔使講感情可以收幾百萬酬勞。」鎮宇執導的電影《追影》在內地上映，但成績不及《大內密探零零狗》及《竊聽風雲》，他說：「係呀，唔夠人嚟，希望可以有機會喺香港上映。」
嘉樂挖鎮宇瘡疤
擔任《LaughingGor之變節》動作指導的錢嘉樂則表示今次有六位數字的酬勞，他笑言已是友情價。當記者追問嘉樂和湯盈盈分手一事，在旁的鎮宇又插口說：「分手啦，算啦，咁慘，分啦，但係又唔知邊個嚟探班呢？」嘉樂即反擊說：「李婉華（鎮宇舊愛）嚟探班嘛，所以你的佢返溫哥華。」
採訪：魯萍
攝影：陳俊強