熱刺果然勇銳，贏到5:1看似很盡，但呢個係陰謀論想法，不變應萬變，照原定計劃，就算周日作客韋斯咸要讓波也會再追；這匹季初「勇馬」，已有兩次豐厚回報，跟開本欄何妨再追一次，大勢留待周日再談。今次也是追波，上次推介莫迪上盤加入球「大」，結果該隊反勝為敗，當輸半注；今次追佢哋嘅挪超爭標大敵，洛辛堡單W，作客贏下游費德列斯達。
洛辛堡贏埋拋離10分
近期嘅二線波唔易賭，日聯日乙冷門迭爆，北歐波巴甲波亦唔易估中，可能打得太密；無論如何，小弟已縮注，寧攻回英超。但今天無乜波賭，還是要選啲仍有霸氣嘅球隊推介。之前話過，挪超今屆由莫迪同洛辛堡揸莊，莫迪狂傲，常開大炒波膽；洛辛堡穩陣，尤其今季作客錄得7勝3和不敗，前仗聯賽作客1:1和主場強勁嘅奧特格寧蘭，屬絕佳嘅失分賽績。
洛軍今仗如贏埋喺護級邊緣掙扎嘅費德列斯達，已拋甩莫迪10分；佢哋更進取係連歐霸盃亦放棄業已出局，更顯示誓要重拾失落了兩屆聯賽冠軍（上兩季都係攞第5）嘅決心，有1.75倍W屬唔錯分頭，另可博2:0，2:1波膽，中正有子彈度過周末咯。
（下次見報日：周六）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期五5洛辛堡勝（1.75）
星期五5洛辛堡勝2:0（10）、2:1（8.5）
簡評：此消彼長，洛辛堡今場贏埋，聯賽錦標十拿九穩。