千億新抱徐子淇昨日出席護膚品牌活動時，笑言老爺李兆基愛熱鬧，會像中東大家庭生夠7個。她又透露會以小朋友行先，大女晞彤一年前跌傷頭部有瘀血，她即戒牛肉至今為囡囡祈福，幸好囡囡也平安無恙。
千億新抱徐子淇、向佐女友黃婉佩及姚嘉妮昨日在圓方的W酒店，出席護膚品牌Noodle&Boo產品活動，子淇以智行基金會大使身份接收大會50萬元慈善捐款。
拒女兒出鏡
子淇的老爺李兆基日前在其次女晞兒的「三月宴」上，表明想她多追三個男孫，子淇昨日對此笑說：「都想快啲再生，順其自然，老爺咁好，好明白事理，佢有咁嘅心願，老人家鍾意熱鬧，佢鍾意盡量生，好似中東大家庭有7個，第時大咗每日都有一個返屋企食飯就好。」
問子淇若慈善機構找她與小朋友出鏡，她說：「唔會，雖然自己係呢行，不過想小朋友過番普通人生活，大女都就快要返學，我都會接送佢返學放學，都會以小朋友行先。」
「從未咁痛」
子淇又提及大女希彤一年前跌傷頭部入院，她說：「佢之前跌親頭，返嚟嘔，入醫院照磁力共振，發現有啲瘀血，我個心從未咁痛，我嗰時承諾戒牛肉，好彩最後都冇事，Martin（丈夫李家誠）仲笑我，小朋友有排跌，每一種肉都要戒一、兩年，家戒咗一年，為咗小朋友食齋都得。」
採訪：LawWaiMan
攝影：WongManShing