香港人一向創意多多，就連薄餅都很多元化，不只在食材上追求新口味，就連餅底都大膽設計一番，扭扭批、芝脆批等新花款，相信老外試過都O嘴。今個夏天，薄餅界又有新搞作，最近有餐廳首創中間穿窿餅底，還配合特選低卡食材，吃起來相當有「盈」。
記者：王震遠
攝影：譚盈傑
模特兒：Sansu@PureModels
中間開洞放沙律
PizzaExpress繼早前推出超薄羅馬薄餅後，又有新搞作。炎炎夏日，新推的Leggera薄餅以輕盈概念為主，特地為薄餅配上新鮮沙律，擺放沙律的設計更特別，不是將沙律放於薄餅的上面，而是中間。師傅會在焗薄餅之前，準備餅底之際，預先為薄底出一個圓洞，留作擺放沙律之用，有個窿嘅薄荷糖就見得多，有個窿嘅薄餅就認真少見。
比傳統薄餅低卡30%
Leggera薄餅除了有窿，低卡路里也是另一個令女士心動的賣點。師傅特別採用低卡路里的食材配料，以輕盈三文魚薄餅為例，棄用原本的mozzarella及mascarpone芝士，改以fiordilattemozzarella替代，不但保留了薄餅的滋味，卡路里含量更比之前低。加上沙律以新鮮生菜及車厘茄，配上自家低卡沙律醬汁，口味清新又不heavy。每個Leggera薄餅的熱量在518至600kcal之間，比傳統薄餅卡路里含量低30%。低卡薄餅，口邊常掛減肥的女士，又多了一個破戒藉口。
維達貝拉薄餅$92
紅，黃燈籠椒作配料，賣相吸引，入口滿是燈籠椒的清爽香氣，味道獨特。
雞肉蘑菇薄餅$98
採用低卡雞胸肉，和蘑菇、香蒜等作餡料，雞肉配蘑菇的味道夾，口感清新。
滋味薄餅$95
意大利火腿、portobello蘑菇。火腿的鹹鮮味相當搶鏡，芝士香氣四溢。
輕盈三文魚薄餅$98
芝士、煙三文魚、蘆笋放在餅底上，再灑上刁草和檸檬，吊出煙三文魚的香味。
輕盈意大利傳統薄餅$95
餡料有醃車厘茄、甜番茄和羅勒，fiordilattemozzarella芝士軟滑，番茄味濃。
O形薄餅製作過程
PizzaExpress（36918691）
九龍塘達之路80號又一城2樓L2-43號舖
原隻龍蝦3D薄餅
分店越開越多的喜客比薩，07年登陸香港。店舖主打美式的意大利菜，薄餅頗多元化，如龍蝦、印式烤雞、西冷牛扒和鴨胸等，龍蝦薄餅更是香港獨家，用上原隻龍蝦原殼上枱，平時的薄餅多為平面，這個「立體化」的龍蝦薄餅，賣相令人驚喜。此外，喜客比薩的薄餅更吸收了美國飲食文化的特色，份量大件夾抵食。餅底是薄餅的靈魂，這裏的餅底做得很出色，夠薄身而且脆口，沒有柴皮的感覺，全因餅底用上人手打造，為薄餅增加了不少分數，難怪成了薄餅迷的新寵兒。
深海龍皇$208
用上原隻澳洲龍蝦拆肉，配炒香的蘑菇，再加忌廉汁。龍蝦鮮味爆棚，帶淡淡菌香，醬汁口感creamy。
鬥牛勇士$128
西冷牛扒薄餅很少見，牛扒煎至半熟，再在餅底加上番茄醬，惹味。
鴨芝蜜語$128（8月24日前只供外賣）
鴨胸肉煎熟再焗，連同蜜桃作餡料，鴨胸肉香味濃，夾着清甜的蜜桃味。
喜客比薩（23671000）
觀塘觀塘道418號創紀之城5期1樓1號舖
翻焗脆多士薄餅
星街食肆小店雲集，Pizzetteria是其中一家。小店只做外賣薄餅，並以快餐形式送上，薄餅每天不同口味，由廚師做好一盤盤放於櫥櫃內讓客人挑選，揀啱心水，店員即切再上磅，秤好重量後即到身後的大焗爐翻熱，薄餅價錢劃一每100g收費$20。本以為經翻熱的餅底必是柴皮，入口卻發現剛剛相反，原來他們在餅底製作過程中花了不少工夫，廚師先將麪粉加入意大利香料，放置半小時等其發酵，再將麪粉放於盤中再發酵，才加上配料焗製，做出來的餅底有點厚度，但經發酵後內邊充滿空間，咬進口感覺鬆脆，不像餅乾的硬身，口感有點像脆多士。
margherita薄餅$23.2（116g）
以新鮮番茄打成番茄茸，配合mozzarella芝士焗香，鮮甜醒胃。
車厘茄火箭菜薄餅$30.4（152g）
以mozzarella芝士配車厘茄和火箭菜，車厘茄清甜爽口，火箭菜清香。
Pizzetteria（28613066）
灣仔星街2A-2G號地下
