上海A股指數噚日跌穿3000關收市，市場投資情緒偏淡，短線相信會繼續尋底。港股受A股拖累，恒指跌穿20000關，睇個勢將要下試50日線。
噚日大市成交縮至644億元，跌市成交縮唔算係好消息，因為可能係承接力不足嘅結果，如果見到成交大增而指數先跌後反彈，反而係見底訊號。
駿威C輪16535：駿威汽車（203）昨收3.73元，逆市升1.9%。股價連續第2日守住50日線，有機會上試4元，破位睇4.50元，可以諗吓隻C輪16535。
隻輪現價72仙，2009年12月30日到期，行使價3.40元，溢價10.4%，引伸波幅66.5%，有效槓桿3.4倍，正股升上4.50元，16535睇1.29元，正股跌穿3.50元，就沽咗隻輪止蝕。
俊樺