暑假過咗一大半，但係炎熱天氣絲毫未有降溫，一見到消暑冰冰就想買想食！呢幾日行過吉之島，見雪櫃有大批日本直送的果凍、乳酪、啫喱同唧唧冰，顏色繽紛吸引唔在講，一諗起係和歌山的蜜柑、沖繩的菠蘿啫喱、山梨縣的水蜜桃果凍，就即時想試吓啦！我食完覺得唔錯，靚女Model仲即時畀過路客人試，個個都話唔錯，唔似一般啫喱甜得咁假。
而我最鍾意仲有乳酪，日本的奶製品一向好味又係信心保證吖嘛！佢竟然有焦糖、蘆薈、蘋果咁多較少有的口味，我哋一見就想試啦。試過蘆薈味，真係特別香滑，日本貨無叫我哋失望！
1.和歌山蜜柑/沖繩菠蘿/青森蘋果啫喱 $10.9/個
2.水蜜桃果凍（售價待定）
3.椰子乳酪味果凍（售價待定）
查詢：28846888（康怡吉之島）