前晚中、港、台一眾演藝界人士攜手合作，為受風災影響的台灣災民舉行籌款晚會，本來一心行善為先，但事後矛頭卻指向沒有出席的陳冠希。有傳演藝人協會前晚邀請他亮相呼籲，但臨場遭無綫禁止現身，如今身在美國的陳冠希表示不想影響籌款晚會，故已在美國捐錢。另外，據知謝安琪在籌款晚會被禁與陳奕迅同場，在後台落淚。
前晚舉行的《8.8水災關愛行動》，由中、港、台三地演藝界人士發起，為台灣災民籌款，當大眾懷着善心之際，卻有傳陳冠希原本返港現身呼籲，但因大會反對，所以最後他被禁止上台，昨日身在美國洛杉磯的陳冠希對於這報道感到啼笑皆非，因他根本沒有回港。陳冠希昨日在電話中說：「我家喺L.A.，無端端話我返嚟做慈善騷，仲話我俾人禁止上台都幾好笑，你估我係孫悟空即刻就可以返到香港咩！雖然我返唔到嚟，不過我都有捐錢。」
Kay為Eason落淚
陳冠希指演藝人協會與其經理人公司紅館是談過想請他回港做這個慈善活動，但最後他決定不回港，他說：「我唔想出咗呢個慈善活動，俾人誤會我家要復出香港娛樂圈，更加唔想因為我嘅出現影響到呢個籌款晚會，所以我決定唔返嚟！我喺唔喺香港其實冇必要爭拗，記者只要查吓香港入境處就知啦，根本冇得講大話！」陳冠希的經理人公司紅館發言人梁小姐對有關報道大表不滿，將會採取法律行動，交由律師處理。
演藝人協會名譽會長曾志偉昨日到尖東出席《2009香港小姐競選決賽》記者會，他強調從來沒有不准陳冠希現身，他說：「梗係從來冇安排過，我覺得咁樣對佢唔公平，佢嚟我哋絕對無任歡迎，大會唔會唔畀，我哋只係喺開會時打個比喻，話如果Twins、Edison係咪可以照上台，我哋話做善事邊個都上得。」
另外，當晚有份演出的謝安琪（Kay），有人目睹她在後台激動落淚，據知因為唱片公司盡量避免她和陳奕迅（Eason）一同出現，又安排兩人不能同場接受訪問，因此令Kay不滿，激動落淚。
千嬅冇見契細佬
此外，陳冠希契姐楊千嬅昨日到奧海城出席活動，她說：「我冇見過佢喎，我啱啱返嚟香港，仲以為佢返咗美國。」
採訪：藍文浩、張俊銘、林妃
攝影：彭琮然、陳順禎
