一向喜愛品嚐咖啡的陳豪昨日到尖沙嘴擔任一咖啡店的開幕禮嘉賓，即場炮製數款咖啡一顯身手。醉心研究咖啡的他說：「又拍過特輯、又出過書，可以推廣自己鍾意嘅嘢真係好開心。」
盼開咖啡店
陳豪打算向嘉賓之一的陳永陸請教投資問題，他自言於金融海嘯中觸礁，他說：「千祈唔可以用賭或者羊群心理，一定要搵多啲資料同埋認識多啲。我梗係有責住啦，因為連最穩陣嘅藍籌股都係咁跌，唔見成100蚊，家咪掉埋一邊囉，我唔信佢唔上番去。」
另外，問陳豪可打算開咖啡店？他即眉飛色舞說：「有呀有呀，有咁嘅打算，最好梗係喺香港或者其他國家都有自己嘅品牌啦，不過未諗到呢part，但係其實好多人都搵過我，話想投資畀我開。」他表示緋聞女友廖碧兒都試過其手勢，他說：「佢都試過，不過喺廠入面，冇咁嘅機器自己就整得冇咁靚喇。」
採訪：藍文浩
攝影：林德雄