亞視藝員張家瑩、戚黛黛、王倩婷、筱靖和陳少霞噚日去旺角派環保袋，宣傳韓劇《好老婆大聯盟》，吸引大批途人爭相搶袋，仲有人大嗌：「靚女派袋呀。」連食環署職員都搶埋一份。成班女藝員俾大批男途人包圍影相，混亂間眾女藝員大叫市民排隊。筱靖話：「四方八面都有手插入嚟攞袋，掂到我條裙，都嚇一驚。」