呂方自從與相戀16年的鄭裕玲分手後，一直被指他失戀又失業，昨日有指呂方與呂有慧關係曖昧，並有二人到超市購物相片，昨日呂方在電話中說：「嗰日我哋一大班朋友約咗去呂有慧屋企食飯，咪一齊去買嘢煮，我識咗佢20年，我哋拍《新紮師兄》時已經識，大家都姓呂我一向叫佢做家姐，佢叫我細佬，咁細佬感情受創唔開心，家姐安慰吓，家姐個男友睇到都笑甩嘴。」呂方又表示，他最近在北京簽了經理人，明年會在香港、內地及美加舉行巡迴演唱會。
呂有慧做紅娘
此外，呂有慧昨日在電話中說：「食飯嗰晚我係想做紅娘，介紹一個女仔畀呂方，我都有安慰佢，因為16年感情佢係認真嘅，所以梗係有唔開心，緣來緣去，分開未必唔好，我同佢真金不怕洪爐火，時間證明一切。」
採訪：陳寶明