花旗股市前晚以近全日低位收市，股民唔睇好經濟前景，股市自然冇運行，就連帶期油同資源價格都被拖低，睇圖表，花旗股市仲有下調空間。
港股噚日最低見過19916，晏晝A股造好，恒指收復失地，升168點收市，不過升勢欠勁，如果花旗股市同A股企唔穩，恒指會再考驗20000關。
國壽C輪17282：中國人壽（2628）昨收32.35元，升0.7%。股價前日大幅下挫低收，噚日靠近條50日線企穩，有機會組織反彈，如果升破34元，睇36元，可以諗吓隻C輪17282。
隻輪現價23.4仙，2009年12月30日到期，行使價36元，溢價18.5%，引伸波幅46.7%，有效槓桿5.6倍，正股升上36元，17282睇41.1仙，正股跌穿31元，就沽咗隻輪止蝕。
俊樺