上次貼中熱刺2:1波膽，未敢自滿，自當繼續努力望波友多看本欄兩眼；但季初，我對呢班波睇得幾高，今次周中作客「老虎」侯城，當然繼續追W。
本欄開季已話明要強攻英超，首周看過大部份比賽後，仍相信主打Big4以外嘅賽事較為明智（車仔[-1]得1.5倍贏唔到侯城，事後睇番當重心實有點失策）。
侯城力戰而敗好傷
熱刺上仗表面爆冷贏利記，查實戰果合理，今次當然惹飛，但對手大幅減弱為降班熱門侯城，守力問題更不容易浮現；反而打得密，上仗垃圾時間才出場嘅箭頭高治及柏夫里約真高有機會輪替上陣，計體力必定勝過全場力頂車仔而敗嘅侯城。若能連勝，我會再追他們周日作客韋斯咸的打吡戰，締開季3連勝。
強如壟斷多年、俄羅斯撐竿跳美女伊仙芭耶娃，剛在世錦賽3次試跳失敗後，只聳聳肩話：「可能我自視過高。」做人打工貼波也要一步一驚心，不能信心過強。日日有波賭，分注出擊，始終感覺安全啲；嫌熱刺作客讓波風險高，再捧巴甲主場特勁國體會贏哥連泰斯，單W有1.53倍穩。（下次見報日：周五）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選：星期三19熱刺勝(1.9)/星期三27國際體育會勝(1.53)
星期三19熱刺勝2:0（8.5）,3:1（14）
簡評：繼續兩注出擊，重心熱刺剛有愉快贏波經驗