【澳門直擊】昨日是古巨基37歲牛一，他與周家蔚及鄭希怡等到澳門出席國慶記者會。基仔自言不是閃電結婚的人，問他是否做足安全措施，他大講有味笑話說：「搭車定搭船先？我都會扣好安全帶。」暗示不會與女友Lorraine奉子成婚。
古巨基、周家蔚、鄭希怡、鍾舒漫和羅天宇等昨日到澳門出席「澳門特別行政區政府國慶體藝匯演」記者會，昨日是基仔37歲生日，所以大會準備了一個古sir蛋糕為他慶祝，他坦言前日已與朋友預祝，不過他已呼籲所有朋友將禮物折現，捐給台灣的災民。
由於基仔已屆適婚之齡，所以即時被追問到何時與女友Lorraine成家立室，一向有爛gag王之稱的他笑言自己現時只得20歲，等他25歲時才考慮結婚。至於會否閃電結婚時，基仔說：「未有計劃閃電結婚，我合約冇講明唔可以結婚，不過自己都唔係閃電結婚嘅人。」問他是否做足安全措施，他大講有味笑話說：「搭車定搭船先？我都會扣好安全帶。」
周家蔚恐懼婚姻
同場的周家蔚雖然多次被拍到與洪天明約會，但兩人從未公開戀情，更拒絕承認是男女朋友關係，由於近日與她同屆的港姐徐淑敏（Suki）被指奉子成婚，周家蔚坦言已經恭喜了她，亦與Suki的男友見過面，但未獲邀請做姊妹。
問周家蔚是否有意和洪天明拉埋天窗，為早前入院的洪金寶冲喜，她說：「兩回事，邊度關事，總之自己冇人催結婚。其實我由細到大都唔恨結婚，因為自己父母嘅婚姻唔好，所以有少少恐懼，仲曾經同媽咪講過唔諗住結婚，不過如果第日有小朋友，自己都會結婚，因為唔想佢哋喺破碎家庭成長。」
鄭希怡以頭轉地
此外，鄭希怡和鍾舒漫將於10月1日表演hiphop舞，更想苦練以頭轉地的舞技，但不擔心會練到禿頭和凹頭，她們說：「我哋應該唔會咁苦練法，但都會問陳偉霆過兩招。」
採訪、攝影：楊潔雯
