近日哮喘病發的楊千嬅，前晚抱恙參演亞洲博覽館舉行的音樂會，只能頂硬上演唱兩首歌。有傳近日千嬅借新歌《真命天子》憑歌寄意，當再三被追問婚期時，千嬅竟擺老闆黎明上枱反問記者：「係咪黎生娶老婆呀？」意圖轉換話題。
一連兩晚的「SummerPopLiveinHongKong」前晚在亞洲博覽館舉行尾場騷，演出陣容有黎明（Leon）、楊千嬅、草蜢、五月天、文詠珊（JaniceMan）和鄭希怡等，但當晚千嬅因哮喘病發及喉嚨生繭，抱恙上陣，原先她要唱4首歌，但臨時刪減兩首。問到男友丁子高有沒有心痛？千嬅笑說：「父母心痛多啲，男友點都唔及父母，黎生（黎明）都有日日關心我。」
當晚千嬅唱新歌《真命天子》，女舞蹈員以婚紗造型出現，有傳她是憑歌寄意，千嬅聞言笑稱：「多謝唱片公司咁苦心經營，好多人好關心我自身問題，其實都只係宣傳，係咪介紹下位出場嘅Leon？係咪黎生娶老婆呀？」
Janice排舞傷腳趾
千嬅表示被人催婚未有感到壓力，還笑言將來結婚一定擺酒，因為在人情方面必定有賺。是否已經找到真命天子？千嬅表示林夕的歌詞並非只講某人，那麼丁子高是否已肯定是她的真命天子？千嬅笑說：「冇嘢係guarantee，我只可以guarantee自己。」另外提到好友陳奕迅（Eason）和謝安琪緋聞，千嬅直言Eason很愛惜自己家庭，至於有報道指陳、謝兩人sms傳情，千嬅搞笑說：「你估養鬼仔咩，咁都睇到。」
Leon新寵JaniceMan則以過萬元戰衣為老闆伴舞，露出修長美腿，但原來她是腳趾痛歸心，JaniceMan說：「我喺屋企排舞時踢到腳趾尾，甩咗半塊腳甲，好痛又流血，好彩今晚着通窿鞋，所以唔使逼住。」
Kay三角戀情歸老孫
近日謝安琪（Kay）和陳奕迅傳緋聞，前晚Kay穿上低胸裙與孫耀威（Eric）、張智霖及薛凱琪（Fiona）合演歌舞劇，事有湊巧在劇中涉及三角戀，糾纏在Eric和張智霖之間，但劇中Kay最終選擇返回男友Eric身邊。
當晚音樂會高潮是草蜢和五月天出場，他們不約而同走到觀眾席握手，引起混亂，五月天主音阿信上台時不忘提到台灣水災，他說：「大家有時間來台灣玩，台灣還好，受的傷會慢慢復元，大家一同講聲台灣加油。」
採訪：王連連
攝影：陳志嵐、黃文成
