股評從來只有「準」與「唔準」，睇得準讚自己幾句，本來好公道，卻隨時惹來有「紅眼症」之無聊網民，以「馬後炮」、「認叻」等譏諷，難怪坊間唔少股評人不時有怨氣。
上周星俠提過港股後市唔多對路，原因係具份量之富豪及特區政府都不約而同表示對資產市場有戒心，呼籲民眾要留神。另外，內地股市連跌多日，滬綜指更失守3000點大關；內地A股走勢年內可謂領導市場，有言論話A股大跌係有資金撤出所致，嚴重打擊投資者信心。
港股昨日大瀉755點，向下突破走勢已出現，後市調整目標暫看19000，現階段唔想持貨者，宜趁反彈沽貨，高位已散水者則可等低位買貨。
候4.4元買入
美聯集團（1200）昨大插10%，收報5.31元，成交量急升至1065萬股。樓市暢旺，美聯就好，但政府一句小心資產市場泡沫，等同變相唱淡。
大市跌勢持續，該股調整應未完，50日線5.14元未必守得住，待跌至100日線4.40元水平才吸納。
方星俠