【本報訊】政府官員昨與教師代表會晤，收集校園驗毒計劃意見。不少教師擔心工作量會大增，身兼禁毒常務委員的精神科醫生曾繁光也認為不宜將「食白粉」形象套用在年輕人吸毒身上。不過，保安局首席助理秘書長黃福來力撐計劃，表示可起阻嚇及預防作用，「佢哋（年輕人）今日唔食，唔代表聽日唔會。」教育評議會副主席何漢權批評「將學生當賊辦係冇邏輯」，亦不應過份誇大計劃效用。
「一味靠嚇冇用」
政府代表昨與銅鑼灣一所中學再次舉行禁毒研討會，與逾500名教師討論校本禁毒及校園驗毒計劃。黃福來在會上說，希望計劃有助改善學生的行為偏差問題，又指學生就算今天不吸毒，亦不代表明天不會試，所以想借計劃起阻嚇及預防作用。
身兼禁毒常務委員會委員的曾繁光表示，近日本港網上討論區，已有學生在討論如何避過驗毒測試，他形容計劃已變成一場智力遊戲，「有啲人要明白，唔好再攞以前食白粉嘅形象放喺家嘅吸毒後生仔度，佢哋唔係洪水猛獸，一味靠嚇冇用，亦唔會口水鼻涕係咁流，只係現代青年人唔開心，然後又用咗錯嘅方法搵開心。」
有校長代表指，可安排學生下課後參加歷奇等課後活動充實身心，曾繁光回應指：「我覺得有時大人一廂情願諗嘅，唔一定好玩，後生仔未必有興趣，由大人做決定嘅更加會拒絕。」
官員解畫出亂子
不少教師於答問環境表示對驗毒計劃存疑，擔心日後工作因此大增，而警方不起訴學生也可能無法起阻嚇作用。教師何先生會後指，現時計劃細節仍有漏洞，特別是資源問題仍有待解決。
就黃福來的言論，教育評議會副主席何漢權認為，政府代表解畫時情急卻不生智，結果經常「開口夾着脷」，「咁樣將學生當賊辦係冇邏輯，政府亦唔應該將計劃講到咁神聖化同咁強力，家解畫解到係咁出亂子，證明好多嘢根本未預備好。」