轆Book：精緻水晶　燃點千鈞威力

轆Book：精緻水晶　燃點千鈞威力

貴為英國貴族，地位尊崇、外表出色、身手不凡，但你卻沒有貴族嘅傲慢，輕盈卻擁有驚人爆炸力及速度。我不怕！因為你會緊緊環抱我，更會給我溫暖……我的目光又怎捨得離開你！手執精緻嘅水晶車匙，點燃千鈞威力，優雅又狂野，AstonMartinDBS嘅魅力，似乎更勝占士邦。

記者：梁美甜　攝影：林栢鈞
Model：Polly@PureModels

占士邦新座駕

AstonMartin，以占士邦座駕嘅形象深入民心。貴為英國超級跑車，實力非凡，早前占士邦最新電影中嘅超跑DBS，其性能更係AstonMartin跑車中嘅表表者，集多項賽車技術於一身。早前曾經驚鴻一瞥，今次終於有機會占士邦上身，慢慢感受佢嘅貴氣，一試佢嘅威力。全鋁合金車架輕量化車身，提供高剛性及結實底盤，安全性亦大大提高。DBS嘅6公升V12鋁合金質料前置引擎以人手裝嵌，馬力輸出高達510匹，扭力570Nm。車身輕造就性能高效發揮，搭配碳纖煞車碟更能有效地縮短煞車距離，碳纖料相對於陶瓷等物料更輕更耐熱，為高悍性能提供充足安全性。高性能又兼備體貼細心，確係吸引人。最令人醉倒嘅係配備嘅水晶匙ECU（EmotionControlUnit），就如用一粒印有標徽嘅細小水晶，啟動力量強大嘅跑車，盡顯高科技及藝術感，型到暈！

■內櫳貴氣豪華，有點高不可攀。

■人手裝嵌6公升V12引擎，提供強悍性能。

■細緻嘅皮革車工，一樣散發高貴感。

■側鏡也以碳纖作為支架，徹底輕量化。

■20吋合金輪圈，內藏既輕且耐熱嘅碳纖碟煞。

■雙出尾喉連碳纖尾擾流，高調晒實力。

■車側進氣口一樣充滿設計感，型格突出。

現貨三部矜貴本色

超級名車、高悍性能，已經夠顛倒眾生，男人肯定全面投降，不過就唔係個個靚女都會為名牌同內涵而傾倒，因為女人都貪靚！DBS一樣有絕招，尊貴豪華內櫳同細緻貼心嘅鋪排，攻破一眾女士最後嘅固執。
車櫳用上大量碳纖物料偷輕車身之餘，更用上特製皮料，雙色皮桶椅更印有DBSLogo，夠晒尊貴，最煞食係座椅更附有暖椅功能，細心到暈！充滿科技感嘅新式中控設計加上個古典味十足嘅傳統走針時鐘，居然無格格不入，更凸顯型格。頂級品牌Bang&Olufsen更特意為AstonMartinDBS設計出BeoSoundDBSAudioSystemwithDolbyProLogicII音響系統，駕駛者可以從三個模式中選擇音效，可惜今次拍攝嘅係DemoCar，未配有呢套專屬音響，無緣一試，不過裝上肯定令尊貴程度再升級。的確，如此高級精品，並唔係人人有資格擁有，代理透露，家只有三部現貨，貫徹矜貴本色！

■造型精巧嘅水晶車匙ECU。

■充滿線條感嘅尾燈組一如DBS嘅「S」般，扭得優美。

■雙色皮桶椅，跑味強烈且附有加熱功能。

■標明機械檢查負責者，嚴謹中顯尊貴。

■中控台設走針時鐘，時代與傳統感覺並融。

規格

引擎：5,935ccV12
馬力：510bhp/6,500rpm
扭力：570Nm/5,750rpm
傳動：六前速棍波
0-100km/h：4.3秒
極速：307km/h
售價：待定
查詢：AstonMartinHK（23662017）