賭王父親何鴻燊雖然入院多天，但何超儀（Josie）依然努力工作。07年底登上《福布斯》最迷人富家女第8位、被封為亞洲潮女的Josie，日前應邀為YSLParfums的全新TopSecretInstantEyeWake-upPatches及PoreRefiningSkincareBrush拍攝平面廣告，同場示範今個秋冬彩妝系列，與大家分享她對迷人性感的定義與如何活出閃亮人生之路。
何超儀充滿魅力性感的雙眼，烱烱有神，對於眼部護理，她要求甚高，她說：「眼係最重要嘅地方，因為人一望就係望你對眼，如果你笑時人哋一望見到你對眼周圍都係紋就唔係咁好。」
冬天化濃妝
Josie續說：「我日日都會敷mask，化妝前按摩面部，可以去水腫、通淋巴、去眼腫、眼袋，因為呢啲問題都係佢唔流暢，用啲cream推吓佢，眼就可以用第4隻手指向上推、慢慢撫平。有時化妝後會發現啲紋，化妝後可以用EyeWake-upPatches，用完啲紋真係唔見晒，好勁。」
一向都是YSLParfums擁躉的Josie，愛上它們充滿前衞、優雅特色的09秋冬化妝系列，她說：「冬天可以化濃妝，眼影可以深、選擇cool啲，譬如黑色眼影，咁個嘴可以淡色，同夏天輕啲、plain嘅感覺唔同。」
檸檬水排毒
父親何鴻燊有秋收冬藏養生之道，Josie的養顏之道是每天都會喝大量開水，閒時更會下廚，她說：「冇需要時我盡量唔會化妝、飲多啲水，會將檸檬落喺水度，幫助排毒，每日一定多過8杯，食方面吸收少啲artificial，盡量要天然、健康食物。我自己會煮嘢食，但多數整畀人哋食，最近學識整雪糕。」
各人對迷人的定義都不同，曾被選為最迷人富家女的Josie則有一番感受，她說：「呢個好僥倖，我覺得迷人係內涵、事業同喜好，我覺得係集合咗我嘅喜好，我有唱popmusic、有做另類角色，對外國人嚟講有自信嘅女人先係性感，同東方人睇女仔要溫柔呢種性感唔同。」
近身之寶
Josie尤其讚嘆的Wake-upPatches，可作眼部急救用途，她說：「Topsecret一向都好勁，未上妝用最好，因為品牌理念forbackstage之用，好多模特兒急救都會用，尤其我拍戲更加要用。」
InstantEyeWake-upPatches$420
以掃頭均勻塗於面部毛孔粗大、泛油光的位置，便可塑造均勻啞致膚色，可隨時抹上妝容。
PoreRefiningSkincareBrush$430
秋冬新妝
這5色眼影將深邃、璀璨、絲絹和光澤等色彩，幻化成富層次感的優雅眼妝，可同時使用所有顏色，塑造細緻柔和的漸變效果。
Ombres5Lumieres各$430
全新的迷惑唇彩共有4色，並備有SPF9防曬效能。
GlossVolupte各$190
Y從YSL的經典Itbag轉化為今季的星級彩妝盒，限量版Y彩妝盒有明亮的蜜桃色，以及可提升顴骨的啡色（圖）兩款自然色系。
TheYPalette$395
採訪：LawWaiMan
攝影：EdwardChou
化妝：KarryWong
髮型：VicKwanofHairCulture
服裝提供：MaisonMartinMargielaofI.T