由模特兒轉打時裝工的陳小韻（Cara），戒蒲戒煙，生活身份都即將大改變。陳小韻將於年底嫁予拍拖兩年的男友Kin，兩人先在外地行禮，再回港擺酒，鬼妹仔的Cara愛型，揚言大紅裙褂免問。
社交圈又有喜事！陳小韻將與拍拖兩年、任職投資銀行的男友Kin年底結婚，Cara與被稱為「ball場王敏德」的未婚夫Kin會先在外國行禮，再回港補擺喜酒。
外地結婚當度假
記者昨日向Cara道賀，一向爽直的陳小韻直認不諱說：「你問到我，我又唔會話唔認，準備年底前結囉，其實我想低調啲，因為真係好多嘢都未準備，朋友都未通知晒。」Cara對於求婚詳情和未婚夫的出身非常口密，她說：「我哋唔係教徒，所以冇特別儀式要搞，喺外地比較開心啲，好似度假咁，同埋屋企人都好西化，唔會有啲好傳統嘅儀式。」
愛時裝的Cara找了香港本地設計師設計婚紗，她笑着說：「件衫仲做緊，我都未睇過，同埋都會買多啲其他dress，但就唔着裙褂喇。」
去年返朝九晚五
曾經是索爆model的陳小韻，父親是章小蕙舊愛「白頭陳」陳曜旻。Cara有過多段戀情，她都常自嘲「拍完又甩、甩完又拍」，拖友對象都是音樂人或模特兒等，曾經和黃家諾、鄭希怡化妝師男友Andy、廣告界Jacky等拍拖，但每段情都未能開花結果。
去年開始，Cara脫離模特兒工作行列，曾長駐上海打理父親的生意，後來又轉返朝九晚五的童裝工作，戒夜蒲、戒煙，生活健康，如今找到生命另一半，可喜可賀。
採訪：DebbieLum