徐子淇與夫婿李家誠昨日在中環四季酒店，為細女李晞兒舉行三月宴，獲夫婿體諒休養一年才再追仔的徐子淇更笑言：「生住四個先啦。」不過四叔李兆基卻繼續催生仔，更笑言已四出搜尋生仔秘方交兒子過目。
千億新抱徐子淇與夫婿李家誠，昨日在中環四季酒店，為5月16日出世、滿三個月大的二女李晞兒（Hayley）擺「三月宴」。下午先舉行「SecretGarden」兒童茶會，請來200名好友和子女玩樂，如黎姿等，夜晚再筵開18席，宴請李國寶、鄭裕彤等，吸引過百傳媒採訪。
老公批准停產一年
李家誠和徐子淇下午2時半手拖手恩愛現身，徐子淇穿上雪紡裙配古董頸鏈。她謂生女的興奮心情已經過去，並說：「大女滿月就似大人party，細女今次就係小朋友嘅fairytale，好多甜品，好似啲甲蟲仔蛋糕，都可以食得o架。」
徐子淇為宴會花了不少心思，問到晞兒的趣事？兩人忍不住搶着分享，李家誠說：「好吸收，好肥，隻眼好似我。」徐子淇就透露女兒重15磅，為家人帶來許多歡樂，問她錫大女還是細女多點？她即說：「兩個都錫，生BB之前，協議好要公平，無論兩個定幾多個，都一樣咁錫。不過兩個女都唔黐我，黐爹哋。」
徐子淇又指大女晞彤初期會妒忌妹妹，現時都不算親密，但會不時錫妹妹和sayhello。至於幾時再追個仔？李家誠即謂：「盡量啦，希望畀子淇休息一年先，復完先。」生仔有壓力？徐子淇說：「有壓力都冇用，呢啲盡量啦，好多人又話食嘢、計時間，盡量啦，生仔生女都係緣份。」李家誠更補充二女出生是兩人間歷來最好的事。四叔要求生六個，她說：「生住四個先啦。」最後兩人按記者要求連咀兩次。
爺爺讚孫女好腳頭
四叔李兆基則懶理兒媳叫停，抱孫心切，繼續催徐子淇生仔。四叔說：「希望晞彤、晞兒可以帶多兩、三個囝囝，到時合家歡。」子淇謂只想生4個，四叔說：「佢之前都三年抱兩啦。」他更指已訪尋生仔秘方，四叔說：「好多，有啲喺外國寄嚟，我畀晒家誠睇。」家誠結婚大派利是，孫女晞彤又有一億利是，四叔今次就明言不會亂派錢，他說：「仔女冇問題，金融風暴，要居安思危，銀紙唔好亂咁使。」不過他都不忘讚孫女腳頭好：「應該都好（腳頭），經濟復蘇喇。」昨日三月宴來賓的禮金全捐給智行基金，四叔表示喜宴埋單冇問題。
採訪：梁錦雯、羅慧敏
攝影：仇志德、林德雄
話你知
300萬打造秘密花園
李晞兒的三月宴連包場及禮物等共花約300萬，徐子淇請來意瑞混血設計師SilvioBerge，為她設計及佈置名為「SecretGarden」主題的會場。派對會場的走廊入口，是一道佈滿玫瑰花的大閘，旁邊放了小晞兒做封面的簽名冊，ballroom正中間也掛有一個專供小晞兒休息的嬰兒吊床，放置多張3呎乘2呎半的晞兒巨型單人相。場內圍滿花束、石雕和小噴泉等，並播放雀聲及蝴蝶投影，一派歐洲花園鳥語花香的景象。由於茶會主要為兒童而設，兩旁更有繪畫、顏料紋身等。Silvio透露：「共用了6,000朵荷蘭玫瑰，花了一晚通宵佈置。」
小金蛋回禮顯童心
今次日夜場的來賓，都會收到Tiffany的woven水晶糖果盤作回禮禮物，內裏更附上一張心意卡，寫上「ourlittleangelfillsourheartswithlove」，每個水晶盤售價$750。下午出席茶會的小朋友，更會收到特製小金蛋，這款俄羅斯傳統的雕花裝飾金蛋，內裏可以打開，放置小戒指、飾物或心意卡，蛋面則刻有「babyHayley」字樣。
三款超豪餐各有特色
李晞兒宴會款客的菜式，雖然無胞姐晞彤「發實宴」的五頭南非鮑魚，但價值2萬元的晚宴也加入金山勾翅等名貴菜式。而每位價值$1,000的下午茶會，則有8款可愛造型的cupcake、芝士龍蝦等。款待記者則有$450盒的TeaBox和$680的便當。
-晚宴菜單-
焗釀大響螺
紅燒蟹肉金山勾翅
上湯焗開邊龍蝦
原隻蠔王鮮鮑魚
籠仔蒸東星斑柳
瑤柱香妃雞
飄香荷葉飯
上湯鮮蝦水餃
蓮生貴子幸福露
美點薈萃