馬浚偉同陳法拉日前喺深水埗拍攝無綫劇集《誘情轉駁》，佢哋嗰晚本來要喺公園拍一場雨中拍拖戲，但偏偏水車灑完水，天公又唔造美落起雨嚟，結果惹嚟好多蚊，於是佢哋就成為咗蚊嘅晚餐，就算狂噴蚊怕水同搽藥油都冇效，佢哋一直忍住痕拍埋場戲，馬仔仲話：「對住阿妹（陳法拉）呢位大美人，都算苦中作樂。」