還記得今個農曆新年，唔少報章嘅財經版例牌有唔少所謂專家，估今年港股上下半年嘅走勢，如果你上網搵番，就知道其實所謂專業預測同分析有幾準確，現時恒指是去到半年前無幾人能估到嘅21,000點；英超開季前，一如以往幾季，全世界又睇死阿仙奴係今屆Big4最差，有機會跌出呢個既得利益集團，季前奪標賠率高達9倍，結果甫開季，阿仙奴作客贏6:1來個石破天驚，今季最後……
財經專家，一見估錯，會即時扭軚，噚日話睇跌，今日見升穿破位向上就睇升；上周六深夜睇電視直播，未入波前資深評述員一直話阿仙奴打得水準以下，差過踢酋長盃，又唔知人哋打4-3-3新陣，見法比仔入波後攞住件同胞查基號碼嘅波衫出嚟悼念，兩人呆了數秒，相信係要等資料搜集喺後面提水先知係乜事。資訊氾濫，其實周街都係我呢類扮識波嘅專家啦。
博埋「客其他」波膽
貼挪威波，我唔敢認專家，淨係知唔博入球「大」會好蝕章，呢個聯賽興玩輪流威，上季三甲隊多數因挖角潮未能在翌季延續盛勢；今屆輪到洛辛堡同莫迪揸莊，咪抝頸信乜嘢作客讓波係鬼盤，莫迪今屆班波入得多失得多，估唔到阿仙奴大炒，我今晚博多10蚊「客其他」波膽。
（下次見報日：周二）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期一6維京大（1.5）/星期一6莫迪（上）
星期一6莫迪勝3:2（18）、勝客其他（25）
簡評：挪威波不用深究，今晚無乜好賭，入球大最佳選擇。