慧妍雅集成員莫可欣、何傲兒等噚日喺灣仔會展美食節，義賣月餅為台灣風災籌款，莫可欣話：「今晚老公（方中信）返嚟香港會商量吓捐幾多錢，同埋遲啲佢都要去高雄拍戲，講真都有少少擔心，不過會買定多啲藥畀佢過去用。」莫可欣話雖然自己冇親戚喺風災地區，但係知道有咁多人遇難都好唔開心。