無綫福將郭晉安主演的新劇《古靈精探B》將於明天首播，一班演員落力宣傳，在玩遊戲期間更出盡全力，搞到劉玉翠耳仔見紅，兩位主角郭晉安、郭羨妮對續集充滿信心，但今晚因為讓路給賑災籌款節目，所以新劇將順延至明晚播放，郭晉安說：「我哋成班演員會出席賑災籌款騷，到時叫我哋做乜嘢就做乜嘢。」
一班演員昨日在荃灣新都會廣場宣傳無綫新劇《古靈精探B》，眾人表現落力，演員分成兩組，用吹氣大鎚玩遊戲，最後釀成互相毆鬥，劉玉翠被扯甩耳環，耳仔流血，蕭正楠又慘被當沙包，場面混亂又搞笑。
續集收斂誇張
《古靈精探B》緊接《烈火雄心3》播出，不過今晚因為讓路給賑災籌款節目，所以《古靈精探B》將會在明晚首播，郭晉安說：「聽晚（指今晚）我哋成班演員都會出席賑災籌款騷，到時叫我哋做乜嘢就做乜嘢。」《古靈精探》收視口碑好，對於今次續集，安仔信心十足，他說：「我覺得好過上一輯，我自己拍自己知，今次續集加咗好多上一集受歡迎嘅元素，而且今次再加多個B，會好開心，我自己就比上一集收斂咗，演繹冇咁誇張，會着重喺查案多啲。」
郭羨妮湊B難
郭羨妮認為續集會好好看，有不少有趣的案件吸引大家，不過在拍攝期間，她覺得最難搞是個BB，她說：「佢成日都會喊，入面仲會有3個BB出現，擺明穿崩都冇辦法，因為勞工法例阿B唔可以超時工作。」
在劇中飾演案件中女模特兒的梁政珏，炎炎夏日穿着疑似冷tubedress加誘人喱士絲襪，成功突圍而出，她說：「呢件唔係冷裙，係我在劇入面着過，所以今日特登着番出來。」
採訪、攝影：楊潔雯