名模楊崢一向愛潛水，更有潛水牌照，她早前拍攝港台節目《海底漫游》第二輯，在海灘邊及海中放生小海龜，她說：「今次係將一隻叫香港二號海龜媽媽生嘅小海龜放生，佢得8個月大，一般海龜可以活到80、90歲，要20歲先成年，所以啲小海龜好細隻。」
楊崢透露因為海龜BB在南丫島出世，所以要在當地放生，現時香港二號海龜媽媽在越南，BB放歸大海後，會自然找到媽媽，問到放生趣事，楊崢雀躍說：「當時其中一頭海龜唔肯落水，結果我哋要開船出海，喺海中放生。家我先知道海龜原來有肚臍，佢哋長大數星期之後便會出現肚臍，再生長幾個禮拜，個肚臍就會變成硬殼，好有趣。」
採訪：DebbieLum