小妹嘅電腦壞咗，想買個新芒，發現家啲電腦芒畫質分分鐘勁過電視屏幕，好似三星一口氣出咗兩部23吋闊屏幕全高清液晶顯示器。其中一款用上LED背光技術嘅SyncMasterXL2370薄屏，動態對比度高達5,000,000:1，認真唔講得笑。
產品可百分百回收
三星資訊科技產品經理Edward話，呢個咁高嘅動態對比度，揮低晒本港巿面現售的全高清液晶顯示器，加埋兩毫秒反應時間，睇快速移動嘅畫面，冇晒殘影，「家的消費者要求越嚟越高，啲規格唔提升唔得。呢部芒用嚟打機睇戲一流。」
屏幕走環保路線，採用ToC（TouchofColour）透色漸層技術，代替一般噴染上色方法，絕不含任何易揮發嘅有機化學物質，確保產品可以百分百回收。
Edward話，另一款F2380型號LCD液晶顯示器，係全球首部使用cPVA面版，無論色彩、可視角度大大提升。平均亮度為300cd/m2，靜態及動態對比度分別高達3,000:1及150,000:1，「個芒可以呈現最貼近真實色彩，係專為一啲追求完美色準嘅攝影師、圖像設計師等專業人士而設。」
Edward話，F2380擁有178度超闊視角技術，有效改善一般液晶顯示器因視覺角度所產生嘅影像模糊問題，漏光率都降至最低，令到用戶無論處於乜嘢位置、角度，皆能接收最清晰及最精確的影像。部機滑動支架底座，上下調節又得，屏幕左右旋轉或傾斜又得，大大方便用戶操作。
電郵：mailto:[email protected]