徐淑敏（Suki）與男友黃浩（Kenny）拍拖兩個月即決定結婚，一度傳出Suki懷有身孕，不過Suki昨日到荃灣出席活動時只承認11月中舉行婚禮，但卻否認懷孕。對於有雜誌拍到Kenny到Tiffany選購80萬元的婚戒，Suki笑言仍未收到報道中的戒指。
徐淑敏昨日到荃灣出席「戀上綠色新煮意」活動時承認婚訊，卻否認懷孕傳聞，她更穿上一對三吋高踭鞋配吊帶裙，以示沒有大肚。不過Suki的未婚夫黃浩日前才親證女友懷孕，二人的答案截然不同。
一向想做就做
Suki在活動後接受訪問時被問到是否懷孕？她說：「唔係呀，我係結婚，但唔係有咗，從來冇講過，邊個話o架，如果真係有，大家遲早會知。」Suki透露婚禮日期暫定於11月中，她續說：「家仲睇緊，本來想10月又太趕，但11月19（無綫）台慶我驚好多同事嚟唔到，姊妹暫定有呂慧儀、姚子羚同馬賽等。」對於拍拖兩個月便決定結婚，Suki指自己一向都是想做就做，她透露男友在一個浪漫地方送上鮮花及唱情歌求婚，但她仍未收到80萬的鑽戒。
「想生兩至三個」
此外，Suki又為未婚夫有兩位女友的傳聞解畫，她說：「唔係事實，大家互相信任。」另又有指Kenny並不富有，她強調自己不是為錢嫁給男友。最後Suki揚言婚後想生BB，她亦會繼續工作，昨日親手炮製蔬菜沙律的她還表示：「我家唔會戒口，如果有，願意戒同養好身子，想生兩至三個，同埋我冇請一年假。」
採訪：楊潔雯
攝影：陳順禎
