以故驃叔話過馬場專收叻仔，營運一支球隊也不宜鋒芒太露，想上位也要戒急用忍，今日重心取鋒芒盡斂嘅熱刺下盤，殺低利物浦，季初來個大變身。
表表者，雲格買人一向算精明且極低調，所以常買到平貨；上季歇冬期最後1分鐘買入艾沙維算經典啩，之後呢位俄國「沙皇」喺場上嘅傑作，相信大家有目共睹。還記得上季熱刺季前高調招兵買馬，友賽最後5場狂數級數極高嘅對手，最後一役更在電視直播前5:0大炒羅馬，予人深刻印象，成隻馬場嘅晨操之星；結果開季打真軍全不對辦，聯賽錄得2和6負，原領隊拉莫斯被炒，由面懵心精嘅哈利列納接任，先慢慢重踏正軌。
低調買兵起革命
經哈帥執了半季後，小弟發覺今夏頗低調嘅熱刺個陣容越執越似樣，同上季揭幕戰1:2敗走米堡所比較，中場多咗掃蕩專家柏拉西奧斯、前鋒有高治加盟，快翼艾朗連儂及上季中回巢嘅射手羅比堅尼威力會更勁；最憂只係中路防守傷兵較多，新中堅巴桑要臨危受命。相反賓帥嘥咗2,000萬鎊買個季初跛嘅阿古蘭尼返嚟，沙比阿朗素個位續由盧卡斯代替，兩位土炮猛將加歷查同謝老四有傷，今場作客讓波，講笑？
（下次見報日：周一）
文：leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期日23熱刺下(1.86)
星期日23熱刺勝2:1(11),和2:2(14)
簡評：兩隊後防俱不穩，波膽兼捧大比數有計。