寇鴻萍女兒唐貝詩、唐貝欣及王晶女兒王子涵等，前晚在君悅搞了名為「JustLove」慈善晚會，為聯合國兒童基金籌款。賭王四房長女何超盈早前自爆遭出賣，與唐貝詩決裂，昨日超盈也沒有出現，問到唐貝詩被指出賣朋友一事，她即表現委屈說：「我阻止唔到人哋點睇，我唔想再講，總之有啲誤會啦。」
夏文汐保養佳
夏文汐、王晶、毛玉萍、莊思敏、譚凱琪及椋名凜等都有捧場，少出席活動的夏文汐保養得宜，她說：「要開心，唔好諗咁多嘢，唔好食得咁肥膩。」問可會效法鍾楚紅復出？她說：「我要湊三個女，大女讀大學喇，等到細女上大學，到時我都老啦，拍吓廣告都OK，護膚嗰類啦。」她謂不會反對女兒入娛樂圈，但表示二女愛攝影，三女愛繪畫，暫時毋須考慮這個問題。
採訪：梁錦雯
攝影：黃文成