「好多人話雲吞麪係香港人嘅鄉愁，但我覺得港式奶茶先至係，我每次去到其他國家旅遊，都特別掛住港式奶茶，即使內地茶餐廳有港式奶茶飲，都唔夠香港好飲，呢啲可能係心癮。」專欄作家李純恩對「香港製造」的奶茶情有獨鍾，到時到候自然會到茶餐廳飲番杯。
要落齊煉奶及花奶
李純恩認為，香港很多舊式茶餐廳冲奶茶均有一手，「例如灣仔街市嘅金鳳，就算翠華，都冲得好好飲o架。」他表示，一杯好奶茶必須集齊香、滑、濃三種元素，他飲奶茶一定會落齊煉奶及花奶，「咁樣先至夠香、夠滑。」
食家歐陽應霽一樣情傾奶茶，每次到茶餐廳用膳，幾乎都會叫一般熱奶茶。他認為，本港茶餐廳製作的奶茶，大部份在水準之上，「卧虎藏龍，一啲都唔出奇。」很多人說，奶茶一定要香滑，歐陽應霽則認為最重要是茶夠熱，其次是茶杯，「如果係傳統嗰隻厚身杯，有埋杯碟嗰隻，我一定會加分。」他飲奶茶只會落黃糖而不落白糖，因為比較健康，而灣仔檀島、中環蘭芳園的奶茶，均是他至愛之選，「有時飲食好講自己感覺，我到家仲好記得，細個去灣仔檀島飲奶茶時，嗰杯奶茶混雜住煙味嘅感覺。」
社交界名人寇鴻萍喜歡自己冲奶茶，偶爾也會光顧茶餐廳飲港式奶茶，而她飲奶茶的習慣是只落奶、不落糖，「咁樣又唔會太甜，又健康。」她表示，平時雖然會喝咖啡提神，但奶茶始終是她最喜愛的飲品，「如果你嫌飲水啲味太淡，飲咖啡又太苦，奶茶就啱啱好。」
本報記者