王喜昨日到馬鞍山為劇集《囧探查過界》拍攝外景，親身上陣拍攝駕車甩尾鏡頭。對於鄭嘉穎拍攝《烈火雄心3》時指他改劇本，阿喜昨日暗寸說：「我未見過唔改劇本嘅演員，我嘅方法就係用十個字換十個字，唔會令場戲短咗。嘉穎都有改，但佢方法唔同，係十句刪咗兩三句，但唔會有兩三句填番，咁會出現尷尬情況，對手要接番自己，場戲又會短咗。」
代嘉穎道歉
阿喜透露導演會要求鄭嘉穎跟原本劇本做一次，他說：「嘉穎份人好有主見、好主觀，要花時間去說服，咁佢係一個舉足輕重嘅演員，佢OKo架會聽導演講，如果過程有延誤我代佢向大家講對唔住。」阿喜又透露9月初消防處長會與《烈》劇的演員見面吃飯，但不會浪費公帑。
此外，高鈞賢昨日出席活動自爆前晚一眾《烈》劇演員與鄭嘉穎慶祝生日，惟不見王喜及佘詩曼。
採訪、攝影：何慧斯、朱志聰、李志明