上次甫登場，貼一向跟開嘅英冠即衰咗，睇嚟呢個聯賽都係宜先觀望；尤其係今季無記收費台冇咗直播，暫時搵唔到靈感，唔通要我齋睇《志雲飯局》咩？
唉，其實《志雲飯局》都冇得睇住，剛剛搬竇，打電話去現在台搵師傅裝番啲嘢，都叫做好啲三數天可以上門，有望喺今晚收工，返歸睇到愛隊阿仙奴作客愛華頓場凌晨波；但係搞番上網就痛苦，X記寬頻嗰位接線生，竟然話搬地址要8個工作天，不能上網的日子真係……
英冠唔敢掂住，轉攻日聯；愛隊川崎前鋒正爭逐3盃，今季人腳齊整，加上部份勁敵跌watt，有望捧盃咯。呢隊波唞夠特醒，鄭大世出番，作客無望爭霸嘅鯨魚冇有怕！
蘋果波神
近5場往績：L////
讓球：川崎前鋒（平）
心得：今季表現更進一步，作客照捕「鯨」