梁振英的插蘇論好笑，「香港是一個萬能插座，不管是圓的、扁的、方的、三腳的或者兩腳的，香港都用得着。」這下，蘭桂坊的基佬弟兄們樂死了，紛紛用放大鏡睇真梁振英的鬚根，大家你推我讓，建議找人尾隨梁兄如廁，睇睇梁兄這個萬能插蘇到底是怎麼插的。跟這班弟兄情同姐妹的幾個師奶插嘴：「你哋咪咁衰格啦，跟人入廁所咁cheap。」另一個師奶提醒猴擒哥哥們，別妄想能動梁兄一分一毫，「他是未來特首掌門人，左右實有保鏢護駕，你八卦到識飛，都唔會睇到梁生一條毛。」但哥哥們不死心，有個說「忍唔住嘛，好想睇吓梁振英是個乜型號插蘇。試吓插，睇吓會唔會過電。」大家起哄，說他色膽包天，遲早遭23條正法。
「我諗，咁多形容唔用，偏偏用萬能插蘇打比喻，的確是別出心裁。擺到明，是向我們展示善意，公開親民，Imean，基民。」皮膚極之古天樂的哥哥一廂情願說。「可惜他不似城城和古天樂，否則我實投他一票。」私竇內又是一陣起哄：「鬼整的我哋邊有票投呀。」
唔，看來梁振英已經做好上位準備，排除人為馬房因素與萬能老倌傳統手作服務，將香港功能退化為萬能插蘇，任人抽插，凡有洞的不管圓方扁斜，都能接通天地線撻着。精英們趕快問吓政治風水師，自己那個插頭，幾時用得着。