今晚已開到89場波，去到8月下旬意、西相繼開鑼，估計單是周六已接近百場比賽。足智彩成功，已變成24小時營業嘅賭波便利店，要攻破，不二法門最緊要定；今日小弟已鎖定攻英超，全日提供車仔。
暑假有沾手嘅日本波，同巴甲一路跟開，軍情也熟，我今天也會下注；尤其見到日乙超級大魚腩櫪木SC，在今日黃昏學人讓波，毋須估莊家開乜嘢鬼盤。呢班大學生連入波能力也欠奉，長追對家最妙，今次機會難逢；但放上貼士表，我要求自己要有七、八分把握，今日大場面，貼日乙無謂喇。
些路迪客W有得分
昨日談過攻英超心得，今天要結合季初捧人腳變動較少球隊攻堅，首選必屬車仔；不是睇好車仔可封王，但聯賽遙遙長路，當屬後話。車仔班波嫌老但搵到擅操老馬嘅安帥，人腳變動極少，季初有氣有力加埋之前同紅魔喺社區盾當勁操一課，磨得仲利；難得迎戰臨開鑼仍趕住增兵嘅降班熱門侯城，炒硬！
博多關選些路迪單W，要踢歐聯附加賽反令狀態早來，今迎季前踢歐霸盃表現極劣的鴨巴甸，客W算有得分，穩贏以增強信心，在下周中大戰阿仙奴。
（下次見報日：周日）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期六21車路士勝[-1]（1.5）
星期六21車路士勝[-1]（1.5）x星期六22些路迪勝（1.67）2x1
簡評：本欄推介不計冷熱，嫌車仔太熱，可博條2串1。