側田前日綵排音樂會時，被問及劉美君主持的無綫唱歌比賽節目《超級巨聲》劣評如潮，曾任評判的他雖開腔力挺劉美君主持得很好，另方面卻大讚亞視的《亞洲星光大道》做得好，特別是評判，大倒無綫米。
側田、草蜢、吳雨霏（Kary）和24味前日在亞洲博覽館綵排今明兩日舉行的「SummerPopLiveinHK」，眾人將在序幕中又唱又跳《激光中》，由於蘇志威（阿細）早前弄傷左膝頭內側的韌帶，所以走路時要靠枴杖，不過綵排時也有與眾人練習舞步。
「Cut咗我啲狠」
側田曾擔任劣評如潮的無綫節目《超級巨聲》的評判，除了劉美君的主持手法被彈到一文不值外，連擔任評判的嘉賓也被狂轟冇料到。對於前輩劉美君慘受抨擊，更有傳要出動森美來打救，側田開腔力撐說：「唔知森美做主持，不過劉美君做得好好，冇問題，佢講嘢叻過我。」
對於網民批評評判不夠狠，側田就幫倒忙說：「我都好狠，不過cut咗我啲狠，我唔會攻擊人，有壞嘅評語都會照講，可能時間問題。其實我都有睇亞視《亞洲星光大道》，做得好好，但好難比，我鍾意肥媽同周國豐，肥媽好笑，又好到point。周國豐有嗰句講嗰句，希望《超級巨聲》決賽時自己都可以繼續做評判。」
Kary則被問到早前與網球王子洪立熙約會見家長，問到家人對男友的感覺時，擺明蜜運成功的她甜笑說：「都OK，其實爹哋有玩網球，所以識咗好耐。」會否效法徐淑敏奉子成婚？她即說：「我拍拖好理性，未諗到咁長遠。」
此外，明年是草蜢踏入樂壇25年，受腳傷影響的阿細誇下海口說：「如果出年再開，我就用200%嘅努力去表演，家同陳太（陳淑芬）及林姍姍傾緊出年香港25周年嘅演唱會，或者睇吓通勝邊日好日。」
採訪：王連連
攝影：黃文成
