藍鑽石近期渴求接觸新事物，去進修、同班同事踢波，仲叫「蘋果體育版迪高」畢傑教斬波（雖則我斬極都斬唔起）……以上都係自願性質，係樂事，但有啲新事物就被迫接觸，非我所願。講嘅係未夠3歲嘅小女由星期初病到今日，間歇發高燒，我同太太成晚通宵馬拉松式為個女熱敷散熱，又認識到有啲藥要夾住食先有效用；燒得厲害，我仲首次為佢塞肛散熱，佢痛唔痛就唔知，但我就痛在心喇。
新一季英超開波，花多眼亂，部份球隊未即時見真章，睇定出手勝過亂石投林；我對阿仙奴有信心，但不及韓職，因後者已到季中，有路捉。在本欄嘗試新事物，首次以韓職掛帥，捧FC首爾1.62倍W。
藍鑽石
近5場往績：W////
主客和：FC首爾勝
心得：此刻貼韓職勝英超