上屆盟主
喺〈蘋果開倉〉唔可以響頭炮，真係唔好意思。不過，吸取過上次教訓，今次推介我決定唔再搵啲剛剛開「咧」嘅賽事，因為狀態同默契都難測，所以今次我向聯賽踢到如火如荼嘅挪超聯埋手；老牌班霸洛辛堡近況回落，上場喺挪威盃更被新貴莫迪大炒5球，周六聯賽迎戰弱旅波杜基林特，相信係時候反底，一於捧洛辛堡[-1]嘅「主勝」。
波杜基林特冇料到
洛辛堡今季表現係威係勢，切合佢哋老牌勁旅本色；不過，可能受兼顧歐霸盃影響，佢哋近5場竟然只曾1勝，喺歐霸盃出局之餘，亦都喺挪威盃畢業，以0:5被莫迪大炒。
不過，咁反而令隊波喺星期六迎戰波杜基林特時，會更加打醒精神。再者，洛辛堡除咗長期養傷嘅門將艾斯賓莊臣同停賽嘅中場安蘭外，基本上可以「夫添」；一對射手派加同艾法臣都可以候命，要大勝波杜基林特，相信冇乜難度。
畢竟，波杜基林特屬下游分子，實力有幾多大家心中有數，就算要搶分護級兼今場料有前鋒夏蒙復出，亦難高估。
另外，英超開鑼，車路士喺社區盾表現對辦，今迎上季死好命唔使降班嘅侯城，應該可以輕鬆大勝一仗，[-1]開硬「主勝」。荷甲阿爾克馬爾（AZ）與川迪分別訪華域克同海牙，鑑於華域克同海牙都實力有限，兩隊[-1]嘅「客勝」都值捧。
英冠雖然只係踏入第2輪賽事，但上季功虧一簣、未能踢升班附加賽嘅卡迪夫城似乎好「弗」，開「咧」大勝斯肯索普4:0之餘，又喺周中英聯盃勝杜根咸3:1；一眾攻擊球員好似祖柏同埋保夫萊特等都腳風順，周六訪韌力唔錯嘅黑池，只係少讓平/半，取上盤。
吾中
近5場往績：L////