【本報訊】「河蟹」上身的民政事務局局長曾德成，涉嫌透過「和諧社區論」向基督教女青年會（YWCA）施壓成功，逼走拒當河蟹族的社工謝世傑；泛民主派對「河蟹曾（曾德成）」以政治打壓專業的手法極度憤怒，形容事件屬「赤裸裸嘅政治迫害」，要求曾德成清楚交代，否則或要求引用《立法會（權力及特權）條例》徹查事件，免令「河蟹」逃之夭夭。
記者：許偉賢 莫劍弦
泛民中人一致認定曾德成的「和諧論」是社工界河蟹風波的源頭，但曾德成事發後只稱曾向YWCA談及特區要求和諧社區的政策，拒認藉此施壓逼走帶領大澳居民投訴政府救災不力的社工謝世傑。
被起新外號「河蟹曾」
職工盟李卓人直指，雖然曾德成堅稱無要求「炒人」，事實卻是他金口一開後，YWCA旋即調走謝並向他發出警告，令謝憤而辭職。他認為聲聲和諧的曾德成難辭其咎，認為他應改名為「河蟹曾」，「佢好明顯係用政治打壓專業」。
李卓人已跟社福界議員張國柱取得共識，先要求立法會事務委員會下月召開會議，要求曾德成解釋為何以政治手段干預社福機構人事調動、甚至打壓專業社工判斷，「政府就算係有社區和諧政策，但點解要逼前線社工照做，唔畀社工根據專業判斷決定是非？曾德成背後同當地鄉委會有乜交易？係咪官鄉勾結？係咪因為咁向人施壓？佢有責任交代清楚！」
若曾德成拒絕清楚交代，兩人便會在10月立法會新會期開始時，要求引用《立法會（權力及特權）條例》徹查事件，並會在泛民主派下周一召開飯盒會討論此事時，尋求其他泛民支持。
其他泛民主派成員也齊聲譴責「河蟹曾」。公民黨黨魁余若薇憤指事件儼如教院風波翻版，「點會有上司去投訴下屬搞破壞？根本就係想以莫須有罪名逼走人；最弊係佢死都唔認錯。」
「未見過咁高層介入」
余若薇形容事件非常嚴重，「如果係其他地方，曾德成一早要辭職」，因此會去信曾德成要求解釋，怒稱「香港唔可以變成河蟹社會」。社工出身的民主黨黨團召集人李華明憶述過往任社工時，「從未見過咁高層嘅官介入（社區投訴）」，不諱言「今次係赤裸裸嘅政治迫害、係香港社會大倒退」，認為立法會有必要積極跟進。