近期o靚模殺入娛樂圈，並掀起一片o靚模熱潮，為了爭地盤、爭知名度令是非熱炒，鬧出不少風風雨雨，其中Lavina（鍾蕙芝）為儀態美觀急急脫去腋毛，她揚言有意讓重要部位也接受療程，淨化身軀以最佳狀態進攻娛樂圈。
熱鬧的書展雖然已經結束，但今年o靚模之戰的戰火，仍然繼續蔓延。o靚模Lavina因為做job時經常要騷身材，她覺得腋下毛毛有礙觀瞻，有時穿比堅尼稍為不慎露出毛頭也十分不雅。由於近日工作量大增，為免尷尬場面出現，她決定接受彩光脫毛療程，一了百了。
用剃刀易受傷
為成功殺入娛樂圈，Lavina接工作有求必應，從不介意性感上陣博到盡，常以比堅尼或性感裝束上陣，以34E咪咪作賣點，人氣極速上升力壓其他同期o靚模，近日更盛傳Lavina上位後聲價十倍，為保身價她更要努力保持最佳狀態。
早前Lavina獲贊助彩光脫腋毛，她說：「我做咗模特兒只係幾個月，脫毛經驗唔多，家成日都着比堅尼同小背心，又要去沙灘落水，所以日日都要用剃刀剃毛，好易會損，其實好多模特兒都有呢個問題。」
為了美觀，Lavina除了脫腋毛外，稍後還有意讓重要部位接受療程，她說：「比堅尼位同腳都想脫，但家先用腋下試驗咗，睇吓效果點先。」
「搵錢係多咗嘅」
Lavina還坦言希望今個夏日有機會擔任纖體代言人，將有料身材作生招牌，她說：「其實所有相關美容工作我都想做，因為可以靚，又有贊助，一舉兩得。」
Lavina承認現時身價上漲，但她說：「搵錢係多咗嘅，但唔係暴升十倍，總之夠我每個月買衫支出同埋畀家用媽咪啦。」早前Lavina死敵Ecupbaby（劉欣宜）男友在公屋範圍內隨地拋煙蒂，Lavina繼續暗寸對方說：「我唔會隨地掉垃圾，吸煙都危害健康啦，唔好吸咁多，唔好隨地拋垃圾，要罰款1,500蚊o架。」
採訪：卓寶花
攝影：仇志中、陳順禎
場地提供：ClassicBeauteSpa（中環）