花旗股市前晚顯著上升，噚日港股借勢反彈，恒指追番426點，但係成交縮減，個市仲會好波動。
花旗息口不變，會後聲明話會繼續放水，投資者暫時可以放心。噚日A股喺銀行股帶動下，晏晝扭轉跌勢，港股呢邊嘅內銀股都有好表現，睇個勢內銀股會係短線支撐大市嘅動力。
交行C輪14909：交通銀行（3328）昨收9.39元，升2.9%。股價升破10日線，成交都算配合，有機會升破之前嘅高位9.98元，破位睇11.40元，可以諗吓隻C輪14909。
隻輪現價19.6仙，2009年11月27日到期，行使價8元，溢價6%，引伸波幅63.4%，有效槓桿3.5倍，正股升上11.40元，14909睇36仙，有8成升幅，如果正股跌穿8.80元，就沽咗隻輪止蝕。
俊樺