十年來都在沙塵滾滾、夏天臭味濃烈的堆填區旁拚命工作，只見隔鄰的「領都」沽清，地產商乘勢推出二百個「首都」撻定盤出嚟賣，你話幾震撼，唔係叫人唔買樓，但務必謹慎。樓價可升3成，也可好以似嗰班冇運嘅買家跌3成走頭，香港買錯樓可以係一生中最糟透嘅決定……
莫以為樓價大size，波馬股就可以胡亂入市，波在本月底會去到一星期可賭足智彩近200場波，在亢奮及極為期待嘅心態下，也要謹慎行事；好多地產商將售樓處放喺尖沙嘴，都係想你有幻想同亢奮嘅咋。
捧「讓球主客和」搵到食
英超開鑼，齋睇波者當然可以亢奮，尤其now播足咁滯，200幾蚊抵睇！小弟最信持續及穩定數據結合狀態同最新軍情賭波，今日我想大家備忘對上兩季逾500天英超賽期所累計嘅賭波要點。首先，原來足智彩開出「讓球」盤，每每累死捧Big4嘅捧場客，你以為少讓平/半或者平手買強隊好筍，實情兩季4隊贏盤率都在包尾嗰幾隊；反而開出「讓球主客和」則經常炒得起對手兩球以上，名列前茅；另外近兩季買英超入球「大」必是波友噩夢，計埋蝕水，長捧約有20巴仙左右虧損，大家開鑼日識買早飛啦！
（下次見報日：周六）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期五1中岸水手大(1.72)
星期五1中岸水手勝2:1(8.5)
簡評：池中無魚蝦為大，黃昏超正時間賭場澳職直播，之後好刨定英超開鑼戰嘞。