o靚模風潮脫到盡鬥性感，負面新聞停不了。家底不俗、貴為公主的名模諸葛梓岐（Marie）一於置身度外，更晒命地預告生日將會與男友薛嘉麟出埠陽光海灘慶祝，其富媽媽更率先送上Chanel手袋及銀包。對於o靚模尹蓁晞（Yumi）被指在時鐘酒店援交的報道，Marie笑言：「點解唔去酒店。」
向有公主稱號的模特兒諸葛梓岐昨日現身炮台山，出席日本化妝品牌ShuUemura活動，曾與關楚耀傳緋聞的龔嘉欣則擔任大會的主持，為配合大會能量活肌系列的紅色主題，Marie識做地一身紅噹噹打扮示人。
「佢哋鍾意脫就脫」
Marie活動後，率先預告月中生日活動，她說：「20號生日會同男友去外地陽光海灘曬太陽慶祝，係男友畀嘅驚喜。」Marie更透露其富媽媽已率先送了Chanel手袋及銀包給她作生日禮物，問她到時會否穿bikini，她說：「唔會，媽咪唔畀，佢成日教bikini好似着住條underwear游水，令我都覺得唔啱。」
記者笑現今o靚模時常穿bikini出風頭，會否感到恐怖，Marie語帶諷刺地說：「係，成日着住行嚟行去，o靚模唔係過咗去咩？」對於早前椋名凜指Kama沒禮貌，她說：「呢啲係家教問題，我見到所有人都會打招呼，呢啲係禮貌教養，見過Kama一兩次，都有傾偈。」
對於尹蓁晞被指在時鐘酒店援交，Marie即表現好奇說：「點解要去時鐘酒店，可能經濟唔好，我一定唔會去時鐘酒店，點解唔去酒店，俾人影到去呢啲地方，唔係太好，不過都唔關我事，不過要對得住自己同屋企人，佢哋鍾意脫就脫，冇問題，佢哋舒服咪得。」
籲家長教小朋友
至於時下有不少少女援交，Marie說：「啲家長真係要教小朋友，好似13歲男仔買攬枕都要教。」
採訪、攝影：LawWaiMan