今夏喺轉會市場瘋狂買人嘅西甲勁旅皇馬，以天價購入巴西中場卡卡同葡萄牙嘅基斯坦奴朗拿度後，中場位置，一班荷蘭兵已經冇晒地位，前鋒亨特拉爾好彩走得到，而遭遇最慘嘅就係26歲嘅攻擊中場雲達華治。皆因新教練比歷連奴講明今季冇預佢，家就連球員號碼都冇埋，對於一個當打嘅球員嚟講真係極大恥辱，所以FIFPro球員公會嘅律師就話，皇馬完全冇履行與球員之間嘅合約精神，故此雲達華治應該可以直接走人，自由轉去其他球會。我求大俠都認為皇馬如果唔要雲達華治，就唔好阻佢發展，解約對雙方都係一個完美嘅結局嘛！