何守信（何B）早前在埃塞俄比亞拍無綫特輯《活著》，不慎拗柴令右腳嚴重骨折，昨日在港接受手術，在腳部鑲入鋼片和螺絲，穩定腳骨再重生，令何B痛到入心，需要吊止痛藥水，太太陳麗斯徹夜不眠在旁照顧，並擔心到眼紅紅。
何守信早前到非洲埃塞俄比亞拍攝無綫特備節目《活著》，一時不慎叉錯腳拗柴受傷，因為右腳腳踝嚴重骨折，故即時安排他返港醫治。前晚何B在一名金髮女護士照顧下陪同返港，即時到九龍法國醫院留醫。
手術後曾痛醒
昨早約7時何B便進行腳部手術，昨日何B太太陳麗斯在電話中透露說：「今日何B做兩個鐘手術，因為要全身麻醉所以佢好攰，有時會痛醒，家仲瞓緊覺，佢要吊啲止痛藥水。不過我未見過佢咁樣叫痛，醫生話要留院4、5日，要視乎病傷口情況。」陳麗斯又表示何B出事當日已即時打電話通知她，令她擔心不已，她前晚為照顧何B整夜不眠。
何B原定下月去北京周口店拍特輯，但何B似乎堅持隨行，陳麗斯說：「咁要視乎佢嘅傷勢，醫生話佢隻腳有3個月唔能夠正常活動，冇話唔畀佢去嘅，咁或有需要我咪跟埋去。」
盼周口店拍攝
《活著》監製鄧婉媚在電話中透露說：「何B右腳骨折嚴重，要將鋼片同螺絲鑲入啲骨度，等啲骨自然生番埋，預計要3個月先完全康復，不過何B師傅好想繼續去周口店拍攝，佢話坐輪椅都去，不過要睇佢情況點啦。」她又表示陳麗斯十分擔心，看見何B回來即十分心痛，更眼紅紅想喊。她又爆何B因腳部打上石膏，故有兩天不能換褲，前晚醫生為他破開石膏驗傷，他竟然捨不得將褲子剪爛。
採訪：陳寶明
