如果說動漫節是o靚模的世界，那美食博覽肯定是師奶的天堂。一年一度的美食博覽，今日終於展開序幕，相信不少擁躉早已準備定手推車仔，袋定幾個環保袋，準備殺入會場掃貨。今年參展商多達600多家，無謂多行寃枉路，今次特別為讀者搜羅$10以下，或者免費的精選推介，一於畫定路線掃平貨。
記者：王震遠、黃家欣
攝影：陳盛臣、陳陶鈞
酒家賣日本蟹腳
無論是工展會抑或美食博覽，都愛去看看鴻星有甚麼新口味推出，以蟹聞名的鴻星沒有以蟹粉小籠包做主打，反之推出松葉蟹腳、帆立貝等日本海鮮，松葉蟹腳以試食價益街坊，$20兩隻不作散賣，除開平均每隻只需$10，價錢令人心動。就算不愛蟹腳，亦可豪氣一番食鮑魚，以會場價$99便可嚐到3隻即食鮑魚，鮑魚以鮮鮑炮製，認真超值。
鴻星（攤位：1B10-03）
松葉蟹腳$20/2隻
平均計落都係$10隻，蟹腳用上湯煮過，味道帶湯的鮮香，蟹肉爽口，入口感覺鮮甜。
以一換百1蚊100粒肉丸
在大埔開業42年的振興，主力售賣肉丸為主，由自家工場炮製。今年參展美食博覽，同樣推出特價優惠。在展出期間，將每日限定100份，讓客人以優惠價$1換取肉丸100粒，小記試過一磅肉丸的重量，結果足足達2斤11両，絕非取巧。此外，振興同時亦設有12粒丸裝，分牛之丸及錦之丸兩款，會場價每包$18有交易，只要用微波爐加熱就可食用。
振興肉丸（攤位：1C16-16）
肉丸100粒套裝會場價$1
100粒套包括貢丸、燒賣、黑椒牛丸、豬肉丸和牛筋丸共5款，每款20粒，肉味香濃，用來打邊爐一流。
全牛丸6粒$10
即食全牛丸包括牛肉丸、黑椒牛丸和川辣牛丸，每樣兩粒，川辣牛丸更屬獨家首創。
免費食原隻溏心鮑
安記海味開業至今已踏入第70個年頭，繼上年推出即食鮑魚後，今年再來一個大突破。安記將於美食博覽期日間每日免費派發400隻即食溏心鮑，分上午及下午兩個時段派發，每時段各佔200隻，而且並非將鮑魚切粒，全部原隻任君試食。錯過了試食機會，亦可以$288購買禮盒裝溏心鮑，每盒260g約有5至6隻鮑魚，只須連袋放於水中煲滾便可食用，相當方便。
安記海味（攤位：1D17-15,17）
即食溏心鮑免費試食
以台灣種的鮑魚炮製，用上雞、元貝和金華火腿同燜10個鐘，鮑魚不但入味，而且腍身，精華湯汁亦相當夠味。
養生湯四包$99
配合70年情的主題以推出養生湯包，特地找來中醫師設計湯底的配方，包括壯湯、養湯、活湯和補湯4款。
龍鬚糖變奏
和記隆過往只賣傳統潮州月餅，今年衝着年輕市場而來，將店內另一款王牌小吃冰鎮龍鬚糖，跟月餅來個crossover，演變出新口味龍鬚月。龍鬚月是變奏的龍鬚糖，不但體積放大，並推出了口味6款，包括朱古力和可樂等等。想以$8換取冰脆爆炸龍鬚月一盒，請及早前場，因為只有每日首50名的顧客，才可換購一盒。
和記隆（攤位：3D18-05/1B07-18）
冰脆爆炸龍鬚月
會場價$98首50名$8
將龍鬚糖放大3倍，特別加入了蜂蜜，味道甜身，以椰絲和花生製造爆炸感覺，口感鬆脆。
「韓」風叮叮飯
韓版花樣男子在港大收旺場，力證韓風依然未減。蕭邦貿易有感香港對韓國食物的追求，便取了韓國食品品牌好喜民的代理權。蕭邦更以震撼價發售好喜民的微波爐飯盒，飯盒共有5款口味，包括牛肉、豬肉和雞肉等等，每日首100名顧客則可以$5購買飯盒一個，每人限買2個。此外，參展當日還特地請來韓國模特兒，化身味之天使推廣韓式食品，「韓」風份外逼人。
蕭邦貿易（攤位：3D18-01及03）
好喜民韓式飯盒震撼價$5
共有牛肉、豬肉、雞肉、魷魚和一品飯5款口味，炮製飯盒的配料全部來韓國。
珍奇月餅率先入手
零膽固醇 黑炭冰皮
醉榴香的冰皮月餅不含防腐劑及全無膽固醇，用馬來西亞特產頂級D24及XO榴槤做餡，入口甘甜馥郁，其中的竹炭粉黑色冰皮，含天然礦物質，幫助消化及排毒。
惠華特色食品（攤位︰1B07-02A）
港韓台 檸茶豆茸餡
首創冰皮月餅的大班今年以香港、韓國及台灣三地特色，創作出港式檸茶、木瓜奶及柚子檸茶等豆茸月餅。買一包，更可以$22恒生信用卡CashDollar多換一包。
大班（攤位︰1D17-01）
會場獨家 心太軟冰皮
美心推出巨峰提子、香蕉船及心太軟3款新口味冰皮月餅，更有獨家Thomas&Friends造型月餅。滙豐信用卡簽賬，享六二折再九五折，買滿$100，送美心冰皮1個。
美心（攤位︰1C14-01）
會場獨家着數
加$1換購法國朱古力
法國手做朱古力DomainedeBequinol，外層是香濃可可粉，中間是58%純度朱古力，包着香脆咖啡豆，三重滋味，場內六五折發售。
英立貿易（攤位︰1C14-21）
買果汁送漢堡包
場內買一支維他命香橙水盈或維他命檸檬水盈，即送一支小裝維他命香橙原味。買6支，更額外送價值$25的FreshnessBurger照燒雞肉鮮堡一個。買12支，送價值$43八皇子牛骨湯拉麪一碗。
YOU．C1000（攤位︰1D20-18）
沖繩黑豚午餐肉八折
以沖繩特產黑豚做的午餐肉，首次登陸美食節，完全無添加，味道純正天然。
康然健康食品（攤位︰1B09-27）
第20屆美食博覽
日期：8月13日至8月17日
時間：
上午10時至下午10時（8月13日至8月16日）
上午10時至下午6時（8月17日）
地點：灣仔港灣道1號香港會議展覽中心
入場費：每位$25
查詢：1830670